Fondacioni për të Drejtat e Kafshëve
Fondacioni për të Drejtat e Kafshëve është themeluar në Prill 2018, në Kosovë, me qëllim të përmirësimit të mirëqenies së kafshëve jonjerëzore, duke u përqëndruar në aspektet legjislative të mbrojtjes së tyre dhe promovimin e dinjitetshëm të të drejtave të tyre. FDK do të kontribuojë në aspektet ligjore dhe të politikave, duke synuar të përmirësojë mirëqenien e kafshëve në Kosovë dhe të përmirësojë marrëdhëniet njeri-kafshë në përgjithësi. Organizata bazon parimet e saj për të punuar për të gjitha speciet e kafshëve, pavarësisht nëse ato janë endacake, shoqëruese, kafshë ferme, të dedikuara për eksperimente, sport apo kafshë të egra. Të gjithë meritojnë një trajtim të ligjshëm dhe etik.
Ne përqendrohemi në angazhimin tonë ligjor duke kërkuar implementimin e duhur të legjislacionit aktual dhe duke ofruar sugjerime konkrete për përmirësimin e tij, në mënyrë që të vendosim bazat e forta për një kornizë ligjore më miqësore, etike dhe bio-centrike për kafshët dhe mbrojtjen e tyre. Përveç kësaj, ne angazhohemi gjithashtu për të siguruar zbatimin e qëndrueshëm të ligjit. Për më tepër, ne gjithashtu përpiqemi të rrisim ndërgjegjësimin e publikut / shoqërisë në fushën e të drejtave të kafshëve.
MISIONI
Misioni ynë është të kontribuojmë në përmirësimin e mirëqenies së kafshëve jonjerëzore, duke u përqëndruar në aspektet legjislative të mbrojtjes së tyre dhe promovimin e dinjitetshëm të të drejtave të tyre. Ndryshimi i vërtetë do të ndodhë vetëm kur institucionet, njerëzit dhe organizatat ndërmarrin veprime të strukturuara dhe sistematike për mbrojtjen e kafshëve në një nivel politik, etik dhe të ligjshëm.
PROJEKTET TONA
PARIMET TONA
Qasja jonë bazohet në katër parime themelore:
LAJMET E FUNDIT
Partnerët & mbështetësit direktë:
Edhe pse FDK është një organizatë e re, ka arritur të ndërtojë marrëdhënie të mira me organizata të huaja shumë serioze që punojnë për mbrojtjen e kafshëve për një kohë të gjatë.
Një nga partnerët tanë më të rëndësishëm, i cili udhëzoi, mbështeti dhe këshilloi ekipin e Kosovës për të krijuar OJQ-në në radhë të parë, ishte organizata e famshme italiane LAV (Lega Anti-Vivisezione) së bashku me Shoqatën ATB – Trentino con il Balcani. Anëtarët e të dy organizatave janë bashkëthemelues të Fondacionit për të Drejtat e Kafshëve në Kosovë.
Një partner tjetër i fortë dhe i rëndësishëm që ishte pranë FDK në të gjitha hapat profesionalë deri në krijimin e tij të duhur, ishte Fondacioni StrayCoco me seli në Zvicër. StrayCoco punon për të ndihmuar kafshët endacake me trajtimin më të mirë veterinar në disa rajone të Kosovës. Ata punojnë me autoritete të gatshme për bashkëpunim dhe individë privatë. Qëllimi i tyre është të promovojnë projekte të qëndrueshme me popullatën lokale, veterinerët, vullnetarët dhe aktivistët lokalë të mirëqenies së kafshëve.
Fondacioni i suksesshëm Stumme Brüder me qendër në Lichtenstein, i besoi OJQ-së tonë dhe mbështet financiarisht ARF-në për punën ligjore (angazhimin e avokatit) dhe për punën institucionale në kapacitetin e zhvillimit të partnerit për fuqizimin e të drejtave të kafshëve jo-njerëzore.
Për më tepër, Fondacioni TIR (Stiftung für das Tier im Recht) me seli në Zvicër, ka hapur derën e tij për bashkëpunim të mundshëm në të ardhmen në fushën e ndryshimit dhe rishikimit të ligjit. ARF bashkëpunon gjithashtu me OJQ lokale serioze dhe profesionale.